كلام من الخاطر

.

.

إلى هذا الأحدهم ..
الذي يوجد في كل منا ..
والذي يتوسد ذاكرتنا ..
ويأبى الرحيل ..
ويأبى العودة ... أيضاً!

.

.

من زمان ماكتبيييييييت شاي : )

رمضان كاااااااااااريييييم

< صباح الليل خخ

.

.

أحس مالي داعي من الخاطر خخ

بس كلام ف الخاطر .. وأبا أكتبه ..

وتراه " مخربط فوق تحت "

< وقد مادري شو .. من .. مادري شو خخ

.

.

مممم البارحه .. قبل ال12 بشوي ..

قاعدة اتطالع ساعة الموبايل ..

26\8 .. يوافق ميلاد شخص عزيز جداً جداً ...

.

.

ممم انا ماصدق خرابيط الشموع واحتفالات الميلاد ..

ماعندنا غير عيدين ..

.

.

لكن لما يوافق ميلاد شخص عزيز علي ..

أحب أكون متواجدة .. عشان اتمنى لهالشخص ..

كل السعادة ... والفرح .. وأكوام من الأمنيات .. والأحلام ..

مب شرط ف هاليوم ... كل يوم ..

بس هاللحظات بالذات .. تعنيلي وايد ..

يمكن لأني احس ان مرور سنة على وجود

هالشخص بالقرب .. نعمة لا تقدر : ) ..

.

.

شعور حلو ..

لما نكون متواجدين .. نتمنى لهم طول العمر ..

نشاركهم .. هاللحظات .. مجرد تبادل للأحاسيس ..

لحظات تعبير صادقة عن المحبة .. الصداقة .. والاخوة ..

.

.

أصعب إحساس بالنسبة لي ..

لما نستوي أغراب ..

يستوي مب من حقنا .. نسلم ونبارك ونهني ..

.

.

ممم تعرفون ان في أشخاص معينين فقط .. هم اللي يقتربون من قلوبنا جداً ..
حتى انهم مايحتاي يسألون شو فينا ... هالروح البعيييييييييييدة عني .. كانت بالنسبة لي جيه ..

وايد فكرت البارحه .. بسنوات الصداقة العزيزة جداً على نفسي ..

وبداية التعارف وكل منا يشق دروبه ف الحياة ..

ممم وأول ماصرنا أعز الأصدقاء ..

وأول .. مافقدنا بعض .. شوي شوي ..

ممم صدق كان خاطري ارسل رسالة قصيرة ..

اختصر فيها كل الأيام اللي راحت ..

أو عالاقل ارسل ..

اتمنى لكم طولة العمر .. بس ماقدرت : )

.

.

ممم ماعرف شو اقول ..

22\9

يوم ميلادي ... بيصير عمري 22 سنة : ) ..

احس اني نضجت خخ واستويت بالفعل احس اني دخلت العشرينات ..

يمكن لأني مثجلة عالفطور .. مايندرى عاد خخخ

مممم

مزيج من مشاعر غريبه ..

يمكن لأني اخاف اكتشف ان وايد اصدقاء انسحبوا من حياتي ..

وصارو اغراب .. ومايقدرون حتى .. يدعون لي ف هاليوم ..

أو أي يوم عادي .. مجرد تحية صباحية عابرة ..

كلامي غبي؟ صاااح؟ خخخ

.

.

كل الحب ..

لأصدقائي الذي لا يزالون يشبكون كفوفهم في كفوفي ..

ولأصدقائي الذين ابعدتهم عني المسافات ..

.

.

26\8

اتمنى لكم طولة العمر : )

.

.

إلى هذا الأحدهم ..

الذي يوجد في كل منا ..

والذي يتوسد ذاكرتنا ..

ويأبى الرحيل ..

ويأبى العودة ... أيضاً!

عيون زايد ..